Լինենք օրինապահ
Ապրիլի տասնվեցին Հայաստանի հանրապետությունը նշում էր ոստիկանության տասնամյակը :Այդ կապակցությամբ ապրիլի տասնչորսին Խնկո ապոր գրադարանում հրավիրվեց կոնֆերանս`”Լինենք օրինապահ” խորագրով, որին մասնակցում էին ՀՀ ոստիկանության գլխավոր վարչությունից`գնդապետ Նելլի Դուրյանը, անչափահասների գործերի բաժնի պետի տեղակալ` Արթուր Վարդանյանը, մանկավարժ, հոգեբան և աշակերտներ` տարբեր դպրոցների բարձր դասարանցիներից:
Կոնֆերանսը սկսվեց գրադարանի կրտսեր սաների ողջույնի խոսքով, որին մասնակցում էր նաև մեր 78 դպրոցի երրորդ դասարանի աշակերտ Ֆելիքս Մեհրաբյանը: Քննարկվեցին բոլոր ներկաներին հուզող մի շարք հարցեր, որոնք հիմնականում վերաբերում էին ծնողների և երեխաների փոխհարաբերություններին և առհասարակ այն միջավայրին, որն անհրաժեշտ է օրինապահ քաղաքացի մեծացնելու համար: Չէ որ փոքր տարիքից է ձևավորվում անհատը, ով հետագայում պետք է իր վարքով և գործունեությամբ ծառայի հասարակությանը: Քննարկմանը ակտիվորեն մասնակցում էին մեր դպրոցը ներկայացնող` իններորդ և տասնմեկերորդ դասարանների աշակերտները: Կոնֆերանսն ավարտվեց գրադարանի կամավորների բեմեդրած փոքրիկ ներկայացմամբ       |
Համացանցի առավելություններն ու թերությունները
2011թվականի ապրիլի 7-ին Երևանի 78 դպրոցի աշակերտական խորհրդի և VIIբ, VIIIա, VIIIբ, VIIIգ, VIIIդ դասարաններից ընդգրկված թվով 16 աշակերտների հետ անցկացրեցինք դաս <<Համացանցի առավելություններն ու թերությունները>> թեմայով: Ստորև ներկայացնում ենք անցկացված դասի պլանը:
Դասի թեման: Համացանցի առավելություններն ու թերությունները Դասի նպատակը: Օգնել երեխաներին հասկանալու համացանցի վտանգավոր ազդեցությունը և փորձել խուսափել դրանցից`ձևավորելով համացանցից ճիշտ ու գրագետ օգտվելու կարողություններ: Ընթացքը: ա. <<Մտագրոհ>> մեթոդի միջոցով պարզեցի, թե ինչ գիտեն աշակերտները համացանցի մասին, ինչպիսի կայքերից են օգտվում: բ. Այնուհետև խոսեցինք ներկայացնելով համացանցի առավելությունները, ընձեռած լայն հնարավորությունները, տեղեկություններ հաղորդեցինք ուսումնական կայքերի մասին : Առանձնահատուկ ուշադրություն դարձրեցինք հատկապես համացանցի ոչ ճիշտ օգտագործման վնասներին: Ասելիքը ավելի տեսանելի դարձավ թեմային առնչող տեսաֆիլմերի օգնությամբ: Աշակերտները կարողանում էին ազատ արտահայտել իրենց կարծիքը, քննարկել և վերլուծել թեմային առնչվող խնդիրները: Հավանաբար դասը հասավ նպատակին , աշակերտների հետաքրքրվածությունը ակնհայտ էր, թեման ` արդիական: Հ.78 դպրոցի ինֆորմատիկայի ուսուցչուհի` Ա. Գալֆայան   |
Միջոցառում նվիրված <Մայրության և գեղեցկության> օրվան
Կրկին մեր դպրոցի դահլիճը ողողված էր աշակերտների խինդով և ծնողների խանդավառությամբ:Ռուսաց լեզվի ուսուցչուհի`Անուշ Բաբասյանը VIIԲդասարանի աշակերտների հետ պատրաստել էր միջոցառում, նվիրված << Մայրության և գեղեցկության>> օրվան: Աշակերտները ներկայացնում էին բեմականացում, որտեղ ցույց էին տալիս լեզվին լավ տիրապետելու հմտություններին: Ներկայացման վերջում դահլիճը ողողվեց բուռն ծափահարություններով:
|
